| Description |
Am Kader vun der Aktioun „Lëtz´ Step to Fairtrade“ organiséiert de Jugendtreff Norden ee Fairtrade-Grillnomëtteg mat klengem Floumaart fir Grouss a Kleng.
Dës Manifestatioun ass Samschdes, den 13. Mee vu 14:00 bis 18:00 Auer zu Housen beim Jugendbus, der mobiller Fairtrade-Zone vum Jugendtreff Norden. (Standort vum Bus: hannert dem Camping)
Niewent dem Secondhandbazar geet et bei dësem Nomëtteg och ëm de Verkaf vu regionalen a fair gehandelte Produit´en, dëst a Form vun engem gudde Cocktail aus der Fairtrade-Juice-Bar oder engem Uebstspiiss aus bekannte Fairtradeprodukter. Géint de groussen Honger gëtt et eppes Guddes vum Grill, natierlech och hei vum Metzler aus der Regioun.
Fir de musikaleschen Deel suergen d´Young So(u)ls, ënner anerem mat hirem Fairtrade-Song.
Um Site www.jsic.lu fannt dir weider Informatiounen zu dësem Nomëtteg. Bei Froe kënnt dir äis och gären ënnert de Nummeren 99 80 18 oder 621 50 50 81 kontaktéieren. |
